السلام عليكم

لاغبت عني دمعة العين تبكيك ‘‘ ‘‘ وأن جيت يمي خافق القلب حيــاك ‘‘ ‘‘
موج البحر ونسمة الليل تغليك ‘‘ ‘‘ وشلون ما يغليك شخصٍ تمناك ‘‘ ‘‘
مهمـا تهب الريح والغيم يخفيك ‘‘ ‘‘ لابد في يوم تشرق شمس لقيــاك ‘‘ ‘‘

^^^^

في غيبتك غابت عيوني من النوم ‘‘ ‘‘ وين أنت ياللي مبتعد عن نظرها ‘‘ ‘‘
عز الله أنـــي صرت تــايه ومجنون ‘‘ ‘‘ ماعاد أميز يومها من شهرها ‘‘ ‘‘
إن جيت أسلي خاطري عنك وأشوم ‘‘ ‘‘ صرت النظر والعين تتبع نظرها ‘‘ ‘‘

^^^^

لن أنـــساك !!
مهمــا أبتعدت عني ,, أتعرف لماذا ؟!


لأنـك محفور في قلبي ‘‘ موجود في قلبي في حفره عميقه جداً لايستطيع أحد فتحها ‘‘ لن أنــساك لأنك حياتي وآمالي ,, لأنـك الأمــــان والحنـــان ‘‘ لأنـك الحلم الجـــميل الذي أعيش من أجله ..
لــن أنــساك ‘‘ لأننـي أحـــــــــــــبك

^^^^

من يوم غادر عليه القلب مغبوني ‘‘ ‘‘ حالي نقص والخلايق مايشوفونه ‘‘ ‘‘
قال القرابه علامك قلت خلوني ‘‘ ‘‘ بالروح شيءٍ صعيب ماتعرفونه ‘‘ ‘‘
من لامني حاسر وأعمى ومجنوني ‘‘ ‘‘ والنار ماوى لجمع اللي يعادونه ‘‘ ‘‘

^^^^

قالو تحبه .؟! قلت: ماهوب بالحيل بس أحب التراب اللي وطت به خطاويه ‘‘ ‘‘
قالو غلاته .؟! قلت: ياناس صعبه أوصف غلا اللي غلا الروح مغليه ‘‘ ‘‘
سعادتي لو هي دقايق بقربه تسوى العمر مع كل ماضيه ‘‘ ‘‘

^^^^

في عز ماكنت أهوجس فيك وأشرح لك ‘‘ ‘‘
أبواب قلبي خذتني رجلي لبابك ‘‘ ‘‘
جيتك وأنا مذكر اني كنت رايح لك ‘‘ ‘‘
بس أذكر كذا لاطول غيابك ‘‘ ‘‘
ياما ترددت مدري كيف بشرح لك ‘‘ ‘‘
أجيك وأرحل أبيك تقول وش جابك ‘‘ ‘‘
يا أبن الأوادم ترى مليت ألمحلك ‘‘ ‘‘
أنا أعزك وأحبك وأعشق ترابك ‘‘ ‘‘
لاضقت أضيق ومتى ماتفرح أفرح لك ‘‘ ‘‘
ولا غبت أموت ومتى ماشفتك أحيا بك ‘‘ ‘‘
أن كان ودك ترسيني على كحلك ‘‘ ‘‘
لميت نفسي وخاويتك على أهدابك ‘‘ ‘‘
لكن قبل تنجرف حبيت أوضح لك ‘‘ ‘‘
مستقبلي في ايدينك وأعمل أحسابك ‘‘ ‘‘
لو ضاع مستقبلي مانيب سامح لك ‘‘ ‘‘
يكفيني الماضي اللي ضاع بأسبابك ‘‘ ‘‘

^^^^

أفز للغالي إذا مر طاريه ‘‘ فزة يتيم شاف من تشبه أمه ‘‘ تذكر أمه يوم كانت تناديه وحس بجفاها يوم عيت تضمه ‘‘ مرت سنين العمر محد يراعيه والدمع ماتقدر كفوفه تلمه ‘‘ أبوه ميت قبلها من يواسيه يبكي ويشكي للمخاليق همه ‘‘

^^^^

ماني بناسيك ياعمري والله ماني بناسيك لو الجفا يمشي معك مثل ظلك ‘‘ ‘‘
أغليك من بد المخاليق وأفديك ولو تطلب عيوني تجيك بمحلك ‘‘ ‘‘
درب المحبه ترسمه أياديك وأعلى من نجوم الثريا محلك ‘‘ ‘‘

^^^^

فرقا الرفيق اللي يبادلني الأشواق ‘‘ ‘‘ احس بأحساسه وأردد حنينه ‘‘ ‘‘
أشتاق له دايم وهو دوم يشتاق ‘‘ ‘‘ وحالت ظروف الوقت بيني وبينه ‘‘ ‘‘
وأمسيت دمعي فوق الأوجان دفاق ‘‘ ‘‘ أشيل همٍ ماتشيله مدينه ‘‘ ‘‘

^^^^

أقول يامصعب الحب لاجا من طرف واحد ‘‘ ‘‘ ويامصعبه كان اللي تحب ملك غيرك ‘‘ ‘‘
رغم القهر ولوعة الفرقا مازلت صامد ‘‘ ‘‘ ومازلت أمني القلب فيه وأقول هذا مصيرك ‘‘ ‘‘

^^^^

الصوت مايرويك لاصرت عطشان ‘‘ ‘‘ يرويك شوف اللي عيونك توده ‘‘ ‘‘
يرويك ريق الزين لاصار ولهان ‘‘ ‘‘ ويهناك لامنك توسدت يده ‘‘ ‘‘
وقام يتأوه بين يدك شفقان ‘‘ ‘‘ ويقول يكفي ثم شدك بيده ‘‘ ‘‘
تسكر على صدره وهو منك سكران

^^^^

كأنك بصدتك ناوي تعلمني أنك صويحبي مهما يلومونك ‘‘ ‘‘
أقولك داري ..! مايحتاج تفهمني إني لو أطلب تفديني بعيونك ‘‘ ‘‘

^^^^

تدري إني ما أقدر أعيش دونك لو دقايق ‘‘ ‘‘ وتصدق اتنفس هواك وبدونك أحس بأختناق ‘‘ ‘‘
وتدري أنه من غيابك صار وسع الكون ضايق ‘‘ ‘‘ وصرت أنا والحزن دايم في عناق ‘‘ ‘‘
ياحبيبي بأختصار لو تبي تعرف كل الحقايق ‘‘ ‘‘ الحياه بدون وصلك لاتطاق ‘‘ ‘‘

^^^^

أشتقت لأيامك وجيت أنشد الوقت ‘‘ ‘‘
وين الحبيب وضحكته وأمسياته ‘‘ ‘‘
ليته يوسع خاطري لاتضايقت ‘‘ ‘‘
ممثل الكفيف أن قربوله عصاته ‘‘ ‘‘
ماهو زعل لاشفت وجهه ودنقت ‘‘ ‘‘
العين تخفي في نظرها غلاته ‘‘ ‘‘

^^^^

طلبت الموت والموت عيا لايجيني ‘‘ ‘‘ يمكن إذا متّ حبيبي اليوم يبكيني ‘‘ ‘‘
وأفرح وأقول حبيبي بكى لجل عيني ‘‘ ‘‘ راضي ببكاه ولو السبب هي نهايتي ‘‘ ‘‘

^^^^

البارحه للنوم با محمد ماذقت ‘‘ ‘‘ حلّ بمحل رقاد جفني سهاده ‘‘ ‘‘
غرّبت ببحور الهواجس وشرقت ‘‘ ‘‘ وبان الصباح وخافقي في هجاده ‘‘ ‘‘
ذكرت خلن ٍ مالغيره تعشقت ‘‘ ‘‘ ولا قبله أحدٍ همّ قلبي بعاده ‘‘ ‘‘
وهليت دمع العين لين أني أغرقت ‘‘ ‘‘ كمي وسال الدمع فوق الوساده ‘‘ ‘‘

^^^^